Manchesterdagi terakt qurbonlari soni ortdi, qurbonlar orasida bolalar bor

22 may kuni Manchesterdagi Manchester Arena yopiq stadionida sodir etilgan terakt vaqtida qurbon bo‘lganlar soni 22 nafarni tashkil qilmoqda. Bu haqda politsiya ma'lumotiga asoslangan holda mahalliy televideniyeda xabar qilindi. 

Shuningdek, portlash oqibatida jarohatlangan 59 kishi shifoxonaga murojaat qilgan.

«Qurbonlar orasida bolalar ham bor», — deya ma'lum qilgan politsiya vakili.

Eslatib o‘tamiz, 22 may kuni kechqurun Manchesterda amerikalik qo‘shiqchi Ariana Grandening konserti bo‘lib o‘tayotgan stadionda portlash yuz berdi. Dastlabki xabarlarda hodisa oqibaqtida kamida 19 kishi halok bo‘lgani va 50dan ortiq kishi yaralangani aytilgandi.