«Barselona» yangi formasini namoyish etdi

«Barselona» rasmiy sayti 2017/2018 yilgi mavsum uchun uy libosini namoyish etdi.

Yangi formada klubning yangi titul homiysi - Rakuten logotipi tushirilgan bo‘ladi. Formalar odatdagi kabi Nike tomonidan tayyorlanadi.

Asosiy forma odatdagi ko‘k-anor ranglarda, ikkinchi va uchinchi formalarning dizayni hozircha ma'lum qilinmadi.

Eslatib o‘tamiz, tomonlar o‘tgan yil dekabrida 2017/18 yilgi mavsumdan kuchga kiradigan qiymati 240 million dollarga teng 4 yillik shartnoma imzolagandi.

2013 yildan buyon «Barselona» klubining titul homiysi Qatar Airways kompaniyasi bo‘lib kelayotgandi.