«Manchester Siti» kuchayishda davom etadi: Yana bir transfer amalga oshirildi

«Benfika»ning braziliyalik yosh darvozaboni Santana Ederson «Manchester Siti»ga transfer qilindi.

Ushbu 23 yoshli futbolchining transfer qiymati 40 million yevroni tashkil qiladi. U bilan 2022 yilgacha shartnoma tuziladi.

Qayd etilishicha, «Benfika» ushbu futbolchining transfer huquqidan 50 foiziga egalik qiladi, transferdan tushgan mablag‘ning qolgan qismi Edersonning avvalgi jamoasi «Riu Ave» va Jorj Mendeshning agentlik kompaniyasi (Gestifute) o‘rtasida bo‘lib olinadi.

Shu tariqa, Ederson dunyo futboli tarixidagi eng qimmatbaho darvozabonlardan biriga aylandi. 2001 yilda «Yuventus» «Parma»ga Janluidji Buffon uchun 33 million funt to‘lagan va bu eng yuqori ko‘rsatkich bo‘lib qolmoqda.

Yakunlangan mavsumda u Portugaliya chempionatining 27 uchrashuvida maydonga tushgan, 18 uchrashuvda gol o‘tkazmagan. U mavsumdagi barcha turnirlar doirasidagi 39 uchrashuvda 26 gol qo‘yib yuborgan.