Rayola: Ibrohimovich "Manchester Yunayted"da qolmoqchi

"Manchester Yunayted" hujumchisi Zlatan Ibrohimovich manfaatlarini bildiruvchi futbol agenti Mino Rayola 35 yoshli futbolchi o‘z faoliyatini "MYu"da davom ettirmoqchiligini ma'lum qildi. 

"Zlatan "Manchester Yunayted"da qolmoqchi. Unga Angliya yoqadi, u top-chempionatda o‘ynashni davom ettirmoqchi. Agar Ibrohimovich "MYu" unga muhim rol ajratayotganini ko‘rsa, unda nima uchun shartnomani uzaytirmasin?
 
U boshqa klublar uchun ham qimmatli aktivga aylanishi mumkin. Biroq fikrimcha, "Manchester Yunayted"ga hurmat bilan munosabatda bo‘lish va barcha tomonlar nima istayotganini ko‘rish kerak", deb aytdi Rayola Talksport nashriga bergan intervyusida.