01:13 / 02.06.2017
14596

AQSh iqlim bo‘yicha Parij kelishuvidan chiqdi

Foto: AFP

AQSh prezidenti Donald Tramp AQShni iqlim bo‘yicha Parij kelishuvidan chiqqanini e'lon qildi. Bu haqda u Oq uyda o‘tkazilgan matbuot anjumanida ma'lum qildi.

“Biz Parij kelishuvidan chiqamiz. Ammo Parij kelishuviga yana qaytish uchun yoki Amerika biznesi, ishchilari, odamlari va soliq to‘lovchilari uchun adolatli shartlar bo‘lgan mutlaqo boshqa kelishuvlarga qaytish uchun muzokaralar boshlaymiz”, — dedi AQSh prezidenti.

Tramp Qo‘shma Shtatlarning keyingi harakatlari ular “adolatli kelishuv”ga erishishi bilan bog‘liqligini ta'kidladi. 

Avvalroq AQSh prezidenti Donald Tramp saylovoldi kampaniyasi davomida AQShni Trans-Tinch okeani sherikligi kelishuvidan olib chiqishga va'da bergandi va u bu va'dasini bajargani, endi esa AQShni Parij iqlim kelishuvidan olib chiqishni rejalashtirayotgani ma'lum qilingan edi. 

AQShning iqlim kelishuvidan chiqishi qanday oqibatlarga olib keladi?

 

Top