Xitoy rahbari Ostonada o‘tadigan ShHT sammitida ishtirok etadi

Xitoy Xalq Respublikasi raisi Si Tszinpin ShHTga a'zo davlatlar rahbarlari Kengashi yig‘ilishida va Ostona shahridagi «Ekspo–2017» ko‘rgazmasi ochilish marosimida ishtirok etadi, deyiladi XXR TIV rasmiy vakili Lu Kang tomonidan e'lon qilingan xabarda. 

ShHT sammiti 8–9 iyun kunlari Qozog‘iston poytaxti Ostona shahrida bo‘lib o‘tadi.

«Qozog‘iston prezidenti Nursulton Nazarboyevning taklifiga binoan XXR raisi Si Jinping 7 iyundan 10 iyunga qadar Qozog‘istonga rasmiy tashrif uyushtiradi, Shanghay hamkorlik tashkilotiga a'zolarining davlat rahbarlari Kengashining 17-yig‘ilishida, shuningdek, Ostona shahridagi «EKSPO»ning ochilish marosimida ishtirok etadi», — deyiladi XXR TIV rasmiy saytija e'lon qilingan xabarda.

ShHT — 2001 yilda Xitoy, Rossiya, Qozog‘iston, Tojikiston, Qirg‘iziston va O‘zbekiston yetakchilari tomonidan asos solingan xalqaro tashkilot hisoblanadi. 2016 yil iyunida O‘zbekistonda o‘tkazilgan sammitda Hindiston va Pokistonning ham tashkilotga a'zo qilib olinishi haqida memorandum imzolangan edi. 

Ayni paytda ShHTda Afg‘oniston, Belarus, Eron va Mo‘g‘uliston kuzatuvchi-davlatlar, Ozarboyjon, Armaniston, Kamboja, Nepal, Turkiya va Shri-Lanka hamkor davlatlar maqomiga ega.