Avstraliyada terrorchilar uchun birinchi maxsus qamoqxona ochiladi

Avstraliya hukumati jangarilar uchun birinchi maxsus qamoqxonani ochishni rejalashtirmoqda. MTV Lebanon shu haqida xabar berdi.

Yangi Janubiy Uels bosh vaziri Gledis Berejiklyan aytganidek, mazkur qaror radikal e'tiqodlarning tarqalishini to‘xtatish imkonini beradi. Qamoqda 54 nafar mahbus qat'iy rejimga rioya qiladi. 

"Kelgusi uch yil davomida qamoqlarda radikalizmni tarqatayotgan mahbuslar izolyatsiyasi uchun 47 million dollar ajratamiz", - dedi Berejiklyan.

Bosh vazirning so‘zlariga ko‘ra, Yangi Janubiy Uels qamoqxonalarida terroristik g‘oyalarni tarqatishga urinayotgan 33 kishi hibsga olingan. 

Yaqinda Avstraliyada IShID tarafdorlari bo‘lgan "yolg‘iz bo‘rilar" hujumlar seriyasi amalga oshirildi. Bu politsiya va davlat federal organlari taktikasini qayta ko‘rib chiqishga majbur qildi.