Fransiyada parlament saylovlarining birinchi turi boshlandi

Bugun Fransiyada mamlakat parlamentiga saylovlarning 1-bosqichi doirasida ovoz berish bo‘lib o‘tadi. Saylov uchastkalari mahalliy vaqt bilan soat 08:00da (Toshkent vaqti bilan 11:00) ochilgan, ovoz berish kechki soat 20:00gacha (Toshkent vaqti bilan soat 23:00) davom etadi.

Saylovlarda turli partiyalar va saylovoldi bloklari vakillari bo‘lgan 8 ming nafarga yaqin nomzod ishtirok etmoqda. Milliy majlisga 577 deputat saylanadi. Ikkinchi tur 18 iyunga belgilangan. 

Fransiya prezidenti Emmanuel Makron partiyasi parlamentga saylovlar oldidan yetakchilik qilayotgandi.