00:20 / 15.06.2017
10317

Olmazor tumanida o‘g‘irlik fosh etildi

2017 yilning 12 iyun kuni taxminan soat 03:30 larda muqaddam sudlangan Davron Mirzaxo‘ja o‘g‘li Abdullayev o‘zganing mol-mulkini yashirin ravishda talon-toroj qilish maqsadida, Olmazor tumani hududida fuqaro Abdurashid Umarovning (jabrlanuvchining anketa ma'lumotlari o‘zgartirilgan) uyiga g‘ayriqonuniy ravishda kirib, bahosi 4.000.000 so‘mlik «Roison» rusumli televizorini o‘g‘irlab, hodisa joyidan yashirinmoqchi bo‘lgan vaqtda, ushbu hududda tungi xizmatni olib borayotgan Toshkent shahar IIBB xodimlari tomonidan daliliy ashyo bilan qo‘lga olingan. 
 
Mazkur holat yuzasidan Olmazor tumani IIB huzuridagi Tergov bo‘limi tomonidan O‘zbekiston Respublikasi JKning 169-moddasi 2-qismi «g» bandi (o‘g‘irlik, ya'ni o‘zganing mol-mulkini yashirin ravishda uy-joyiga g‘ayriqonuniy ravishda kirib, talon-toroj qilish) alomatlari bilan jinoyat ishi qo‘zg‘atilgan. 

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda. 

Yuqoridagi shaxsning xatti-harakatidan jabr ko‘rganlar bo‘lsa, «102» telefon raqamiga yoki yaqin atrofdagi ichki ishlar organlariga murojaat etishi mumkin.

Top