O‘zbekiston prezidenti Shavkat Mirziyoyev yaqin kunlarda Toshkent shahrining Uchtepa tumaniga tashrif buyuradi. Bu haqda «Kun.uz» manbalari xabar bermoqda.
Tashrif davomida davlat rahbari olib borilayotgan islohotlar bilan tanishadi, shuningdek, tumandagi ishlab chiqarish korxonalarida bo‘ladi.
Hozirda tumanda tashrifga tayyorgarlik ko‘rilmoqda, tumanga olib boradigan yo‘llar (Muqimiy, Cho‘ponota, Kichik halqa ko‘chalari) atrofida kecha-yu kunduz obodonlashtirish ishlari olib borilmoqda.
Eslatib o‘tamiz, Uchtepa tumaniga aprel oyida Shavkatbek Turdiyevich Irgashev hokim etib tayinlangandi.
