Samsung taxlama-smartfonini taqdim etdi 

Samsung kompaniyasi zamonaviy texnologiyalardan voz kechishga tayyor bo‘lmagan retrosevarlar uchun Galaxy Folder 2 taxlama-smartfonini taqdim etdi. Yangi qurilmaning narxi 260 dollar atrofida. 24Gadjet shu haqidagi yangiligi bilan bo‘lishdi.

Smartfon 1.4 GGts chastotali 4 yadroli protsessor, 2 Gb operativ va 16 Gb ichki xotira bilan ta'minlangan; xotira kartasi sloti 256 Gb'gacha bo‘lgan MicroSD kartalariga mo‘ljallangan. Akkumulyator sig‘imi - 1950 mAs. Ikki kamera - 8 va 5 Mp. Smartfon ikki xil - qora va bordo rangdagi metall korpus bilan qoplangan.

Displey diagonali 3,8 dyuymni tashkil qiladi. Sensor klaviaturani klassik tugmalar to‘ldirib turadi. Ular orqali qo‘ng‘iroqlar ro‘yxati, sms-bo‘lim va ijtimoiy tarmoqlarga kirish mumkin. 

Samsung Galaxy Folder 2 Janubiy Koreya bozorlariga chiqdi. Xalqaro sotuvlar yoz oxiriga qadar boshlanadi.