Shveytsariyada Yevropadagi eng katta arkali ko‘prik qurildi

Shveytsariyada Yevropadagi eng katta bir oraliqli arkali ko‘prik qurildi. Tamina deb atalgan ko‘prik Sankt-Gallen kantonidagi Valens va Pfefers qishloqlarini birlashtirdi, deb xabar bermoqda Swissinfo.ch nashri.

OAV ma'lumotlariga ko‘ra, Tamina darasi ustidan o‘tgan ko‘prik balandligi 200 metrdan, uzunligi esa 417 metrdan oshiqroq. Ko‘prikka xizmat ko‘rsatish uchun 1 km lik qo‘shimcha yo‘l qurishga to‘g‘ri keldi. Ko‘prik qurilishi 57,5 mln dollarga aylandi. 

Ko‘prik hududdagi transport vaziyatini ancha yaxshiladi. Misol uchun, Pfefersdagi o‘t o‘chiruvchilar zarurat bo‘lganda endi qo‘shni qishloqqa oson yetib bora oladilar. Bir marta ular yong‘in joyiga yetib borishlari uchun 30 daqiqa talab qilingani oqibatida mahalliy cherkov yonib kul bo‘lgan. Shuningdek, maktabgacha yo‘l ham 40 km ga qisqaradi, chunki endi avtobusga darani aylanib o‘tishga hojat qolmaydi. 

Ta'kidlanishicha, Valensda 400 kishi, Pfefersda esa 600 kishi istiqomat qiladi.