«Real» Madrid va Ispaniya terma jamoasining afsonaviy futbolçisi Raul Gonsales bugun özining 40 yoşini qarşi oldi.

«Real» Madrid safida 550 ta öyinga tuşib, 228 ta gol urgan bu futbolçi uning tarixidagi eng zalvorli futbolçilardan biri bölib qolişi aniq. «Real» keyingi yillarda jamoa uçun mehnati singan yulduzlarni munosib kuzatmayotgani taassufli hol. Jamoa muxlislariga ham rahbariyatning bunday xatti-harakatlari yoqmayotgani bor gap. Raul, Kasilyas, ana endi Kriştianu ham boşiga iş tuşganda «Real»dan madad ololmayapti...

Nima bölganda ham, «blankos» muxlislari «Raul»ni özgaça mehr bilan eslaşadi.

Keling, 2009 yilda Xayrulla Hamidov tomonidan özining bu sevimli futbolçisiga atab yozilgan «Raul Madrid» maqolasini arxivdan çiqarib, yana bir karra mutoala qilaylik. Zero, bu yulduzning şarafiga bitilgan har qanday satr abadul-abad öz qiymatini yöqotmaydi.

* * *

Bugun köpçilik porlayotgan yulduzlardan biri haqida hikoya qilinsa, uning harakatlari haqida tahlil qilinsa va biror bir yangilik sözlab berilsa, degan fikrda turgandir. Biz bu safar boşqaça yöl tanladik. Barçaga ma'lumu maşhur öyinçini tanladik. Uning nomi yangraganida darhol hamma jim böladigan va öyinlari bilan barçaning mehrini qozongan yulduz haqida özimizning qaraşlarimizni bayon etişni istadik. Bu maqola biror bir manbaga asoslanmay, muxlis közi bilan yozilgan. Oddiy muxlis, ammo uşbu futbolçini hamma öyinçilardan köra yaxşi köradigan muxlis közi bilan. Şuning uçun bu maqolani öqiyotganingizda undan ufurib turgan mehriy sözlarni his qilasiz, degan umiddamiz. Hali maqolaning avjiga çiqmasingizdanoq umid qilamanki, oxirigaça közingiz yoşlanajak. Etingiz jimirlayajak va siz ham uning öyinlarini yana körişga oşiqasiz.

Maqolani ta'sirli ta'minlaş uçun uşbu futbolçini futbol deb atalmiş jozib öyinga daxldor sifatlarga boğlab yozaman. Turli tuman fikr egalarining rakursi böyiça kuzataman. Şunda nima demoqçi bölganimni töliqroq tuşuntirib bergan bölaman.

 

Futbolda natija muhimdir...

Keling, mana şu falsafani tiş-tirnoğigaça himoya qiladiganlar közi bilan Raul Gonsales Blanko faoliyatiga nazar taşlaylik.

1977 yilning 27 iyun kuni tuğilgan ispan öğloni hujumçi zoti havas qilişi mumkin bölgan deyarli hamma natijani qayd etib ulgurgan. Tuğilganidan beri hujumçilar ortida öynaşga ixtisoslaşgan bu yigit köp hollarda böş qolgan darvozani işğol etadi yoki darvozabon bilan birga-bir vaziyatga çiqib ketadi. Bu ba'zilarda Raulga nisbatan «tayyorga ayyor» iborasining qöllanilişiga ham sababdir. Ammo futbolning nozik jihatlarini tuşunadigan kişilar bilişadiki, kerakli paytda kerakli nuqtada paydo böliş har kimga ham nasib etmaydi. Ayniqsa, sof markaziy hujumçi bölmaganlarga. Raulning sakson foiz goli raqib jarima maydonçasi içida amalga oşgan. Şundan bilsa böladiki, bu hujumçi gol uriş uçun tuğilgan. Ispaniyalik hamkasblarimiz uning çap oyoğida köz bor, deb ham ta'riflaşadi.