O‘zbekiston va YeI o‘rtasidagi “To‘qimachilik bayonnomasi” kuchga kirdi

O‘zbekiston Respublikasi bilan Yevropa Ittifoqi o‘rtasida sheriklik va hamkorlik to‘g‘risidagi Bitimga 2011 yil 7 aprelda imzolangan “To‘qimachilik bayonnomasi” 2017 yil 1 iyuldan boshlab kuchga kirdi. Bu haqda TIV matbuot xizmati xabar berdi.

Mamlakatda to‘qimachilik sohasini rivojlantirishga muhim e'tibor berilayotganini hisobga olgan holda, ushbu hujjatning kuchga kirishi mamlakatning eksport salohiyatni oshirishda va milliy to‘qimachilik mahsulotlarning Yevropa bozorlariga kirib borishida katta amaliy ahamiyatga ega.

Xususan, ushbu hujjat O‘zbekiston bilan Yevropa Ittifoqi o‘rtasida to‘qimachilik mahsulotlari savdosi uchun mustahkam huquqiy asos yaratadi. 

Bunda tranzit tashishda, Yevropa Ittifoqi tomonidan O‘zbekiston to‘qimachilik mahsulotlariga qo‘llanilayotgan bojxona va soliq to‘lovlariga nisbatan o‘zarolik asosida eng qulay rejimni yo‘lga qo‘yish hamda ushbu turdagi mahsulotlar savdosidagi miqdoriy cheklovlarni olib tashlash nazarda tutiladi.