Meksikaning Chiuaua shtatidagi barlardan birida noma'lum kimsalar mijozlar va qo‘riqchilarga qarata o‘q uzishi oqibatida 3 kishi halok bo‘lgan, yana 3 kishi shifoxonaga olib borilgan. Jinoyatchilarga yo‘l politsiyasi xodimasi qarshilik ko‘rsatmoqchi bo‘lgan, biroq u og‘ir jarohat olib, keyinroq shifoxonada vafot etgan. Politsiya ushbu hujumni tergov qila boshlagan.
Jinoyatning sabablari hali fosh qilinmagan, biroq OAVning fikricha, bunga narkokartellar aralashgan bo‘lishi mumkin. Ushbu shtatda joylashgan Syudad-Xuares shahri 2008 yildan 2010 yilgacha dunyodagi eng xavfli shahar hisoblangan. Bu yerda narkoto‘dalarning to‘qnashuvlari sababli kuniga 600 tagacha qotillik sodir etilgan.
