Buyuk Britaniyada istiqomat qiluvchi Uilyam Riches Britaniyaning Yevropa ittifoqidan chiqishiga qarshi bo‘lganini bildirish maqsadida, Glostershirdagi o‘z uyini mustaqil respublika, deb e'lon qildi. Bu haqda BBC xabar bermoqda.
Universitetning sobiq o‘qituvchisi Din o‘rmoni yonida yashaydi, bu yerdagi aholining aksariyati esa mamlakatning YeIdan chiqishiga ovoz berdi. Fan doktori o‘z uyini Middlvotch Mustaqil Respublikasi sifatida e'lon qildi hamda rafiqasi Juditni prezident etib tayinladi.
— Demokratiyaga qarshi borishni istamaymiz, biroq, bizning fikrimizni eshitishni ham istashmadi, shu sababdan faqatgina bitta variant bor – mustaqillik. Mamlakat Yevroittifoqni tark etmoqda, biz esa buni qilmaymiz, — dedi Riches.
Shuningdek, erkakning xabar qilishicha, oshxonasi rasmiy boshqaruv joyi hisoblanadi. U o‘z uy-davlati chegarasini kesib o‘tmoqchi bo‘lgan barchaga 50 funt evaziga viza berishini ham aytib o‘tgan.
