Dunyodagi eng keksa dengiz mushugi AQShdagi okeanariumda hayotdan ko‘z yumdi. U 69 yoshni qarshilaganidan keyingi kun vafot etgan, deb xabar qilgan Janubiy Florida muzeyi.
"Bizning dastlabki tekshiruvlarga ko‘ra, Snuti kishini g‘amgin qiluvchi hodisa qurboni bo‘lgan. Snuti juda noyob hayvon edi", — deyiladi xabarda.
Dengiz mushugi okeanariumning faqat texnik tizimlariga kirish uchun ochiladigan suvosti inshootidan topilgan. Inshoot eshigi odatda yopiq bo‘lgan, ammo noma'lum sabab bilan u shu kuni ochiq saqlangan.
Muzey rahbariyatining qo‘shimcha qilishicha, hayvonning o‘limi bilan bog‘liq tergov ishlari olib borilmoqda.
Snuti laqabli dengiz mushugi 1946 yil 21 iyulda Mayami okeanariumida tug‘ilgan. U inson qaramog‘ida dunyoga kelgan birinchi dengiz mushugi edi.
