Xitoy KXDR raketa parvozini amalga oshirgach, ushbu davlatni keskinlikni yanada oshiruvchi harakatlarni to‘xtatishga chaqirdi. Bu haqda Xitoy Xalq Respublikasi Tashqi ishlar vazirligi rasmiy vakili Gen Shuan ma'lum qildi.
«Xitoy Shimoliy Koreyani BMT Xavfsizlik Kengashining tegishli rezolyutsiyasiga rioya etish hamda Koreya yarim orolida keskinlikni yanada oshirishi mumkin bo‘lgan harakatlarni to‘xtatishga chaqiradi», - deyiladi bayonotda.
Avvalroq Kim Chen In Shimoliy Koreya AQShning qit'adagi qismiga raketalar bilan zarba berishi mumkinligini aytgandi.
