Neymar Braziliyaga jo‘nab ketadi

«Barselona» hujumchisi Neymar Xitoydan qaytdi va ayni vaqtda Dohada bo‘lib turibdi.

Mundo Deportivo xabariga ko‘ra, yaqin vaqt ichida 25 yoshli futbolchi o‘z kelajagi borasida bir qarorga kelish uchun Braziliyaga yo‘l oladi.

Hozircha Neymar vataniga qaytishda Barselonada to‘xtash-to‘xtamasligi ma'lum emas. Ertaga, 2 avgust kuni kataloniyaliklar klubi bazasida mashg‘ulotlar boshlanadi.

Neymarning otasi ayni vaqtda Barselonada bo‘lib turibdi. Shu tufayli u Ispaniyada ham to‘xtashi ham mumkin.

Neymar «PSJ»ga 222 million yevroga transfer bo‘lishi kutilmoqda. Oxirgi ma'lumotlarga futbolchi hafta oxirida Parijda tibbiy ko‘rikdan o‘tadi, u 7 avgust kuni yangi klubi bilan shartnoma imzolaydi.