AQSh harbiy-havo kuchlari Kaliforniya shtatida navbatdagi qit'alararo ballistik raketani sinovdan o‘tkazdi. Bu esa yil boshidan beri to‘rtinchi sinov amaliyoti hisoblanadi.
Kaliforniyada joylashgan Vandenberg havo-hujum bazasiga qarashli 30 SW bergan ma'lumotga ko‘ra, chorshanbaga o‘tar kechasi soat 02:10da Minuteman raketalarining uchtasi havoga ko‘tarilgan. Los-Anjyelesdan 209 km shimoli-g‘arbda joylashgan sinov hududida ko‘ngilsiz hodisa kuzatilmagan.
Minuteman’ning muvafaqqiyatli sinovdan o‘tkazilishi mobaynida uning tezkorligi, aniqligi va samarasi ham o‘lchanadi. Raketa nishoni etib Kvadjaleyn atollidagi orollardan biri tanlangan bo‘lib, o‘tkazilgan sinovlar Shimoliy Koreyaning harbiy harakatlariga mantiqiy javob bo‘lib qolmoqda. Shuningdek, AQSh harbiy-havo kuchlari Alyaskada joylashgan mudofaaviy «temir to‘siq»ni ham ishga tushirganini bildirdi.
