Ertak yakuni. «PSJ» Neymar transferini e'lon qildi

Fransiyaning «PSJ» klubi braziliyalik hujumchi Neymar transferini e'lon qildi. Bu haqda parijliklar rasmiy saytida xabar berilgan.

Manbaga ko‘ra, futbolchi fransuz klubi bilan besh yillik shartnomaga qo‘l qo‘ygan. Unga ko‘ra, futbolchi 2022 yilning yoziga qadar «PSJ» futbolchisi sifatida to‘p suradi.

Eslatib o‘tamiz, oldinroq «Barselona» Neymar vakillari klubga shartnomani bir tomonlama bekor qilish uchun yetarli bo‘lgan 222 million yevroni to‘lab bergani haqida rasmiy bayonot bilan chiqqandi. Shundan so‘ng futbolchi erkin agent maqomida parijliklar bilan shartnoma imzolagan.