Neymardan keyingi hayot. «Barselona»da uning örnini kim egallaydi?

Fransiyaning amaldagi çempionlari Mbappeni sotib olişni istagan jamoa 180 million yevroga ega bölişi kerakligini ma'lum qilgan. «Barselona»da Neymar transferi orqali bundan ham köp pul böladi.  Qolaversa, şu vaqtgaça Mbappe uçun asosiy da'vogar bölib kelayotgan «Real»ning burni ostidan uni ilib ketiş jamoaning muhim yutuğiga aylanişi mumkin. «Barselona»ning yangi murabbiyi Ernesto Valverde esa yoşlar bilan işlaşda katta tajribaga ega, u jamoada MSM hujum uçligini tuza oladi.

Ha: Fransiyalik iqtidorning saviyasi Neymardan ayrilgan kataloniyaliklar hujumida uning örnini bilintirmaydi. Marketing nuqtai nazaridan ham bu ideal trensfer bölişi mumkin - Mbappening nomi ayni vaqtda juda maşhur, uning transferi orqali jamoa reklamalardan katta mablağ topa oladi.
Yöq: Mbappe bolaligida «Real» muxlisi bölgan, u Kriştianu Ronaldu bilan birga tuşgan suratini ardoqlab ösgan. Qolaversa, futbolçi Fransiyada yana bir mavsum qolişni istaydi.

Antuan Grizmann, «Atletiko»
Transfer qiymati: 80 mln yevro (Transfermarkt.de ma'lumoti)
Heç kim Grizmann butun faoliyatini «Atletiko»da ötkazişiga işonmasa kerak? Antuan Yevropaning eng yaxşi futbolçisi sifatidan tan olinişi uçun oldinga yana bir qadam taşlaşi va Simeone qanotlari ostidan çiqişi lozim. Uning özi ham buni tuşunib turibdi. Universalizm va Grizmanning aql bilan öynaşi, istalgan pozitsiyada harakatlana olişi «Barselona» uçun yangi havo kabi bölişi mumkin. U kelsa, hujumdagi rang-baranglik yanada ortadi. Antuan bilan şartnoma imzolagan klub mavsumda undan kamida 20ta gol kuta oladi.

Grizmann bu yil yozda Madriddan ketmoqçi edi, ammo jamoaga FIFA tomonidan transferlar böyiça qöllangan taqiq uning safarini keçiktirdi - fransiyalik futbolçi sadoqat namunasini körsatdi. Lekin u «Barselona» tufayli xiyonat ham qilişi mumkin. Bu jamoa unga köp sovrinlar, xususan, Yevropa çempionlar ligasi ğolibligini va'da qila oladi. 

Hozirda Antuanning şartnomasida 100 million yevro badal puli sifatida körsatilgan. Bu bugungi kun standartlarida odatiy narxga aylandi. U Neymardan bir yoşga katta, ammo uning öyini öyinqaroq braziliyalik futbolçinikiga nisbatan barqaror, u sovuqqonlik bilan harakat qilib, köproq gol uradi. Grizmann hujumning barça nuqtalarida öynay oladi, u qanotlarda ham, hujumning oldingi nuqtasida ham, hujum ortida ham birdek samara keltiradi. U Valverde uçun haqiqiy xazina bölişi mumkin. Agar u transfer qilinsa, «Barselona» bir öq bilan ikki quyonni urgan böladi - hujum çiziğida yuqori saviyali futbolçiga ega çiqadi hamda Ispaniya çempionatidagi ikkinçi raqibini kuraşdan çiqaradi, «Atletiko» ança vaqtgaça Grizmann örnini töldira olmasligi tayin.

Ha: Ispaniya çempionati töpurari «Barselona» uçun eng mos variant.
Yöq: Mas'uliyatli va hurmatli bir futbolçi sifatida u jamoasiga yana sodiq qolişi mumkin. Uning ustozi Simeone ham ketişga ikki marta çoğlanib, qolişga qaror qilgandi.

Usmon Dembele, «Borussiya D»
Transfer qiymati: 33 mln yevro (Transfermarkt.de ma'lumoti)
U Mbappe kabi zör variant emas, ammo istiqbolda katta narsa kutsa böladi. Ham ança arzon. Usmon Dembele – Fransiya futbolining yangi avlodi yulduzlaridan, u ham keyingi jahon çempionatida porlaşi kutilmoqda. Dembele öyin uslubi bilan Neymarni eslatadi – u ham tempni özgartirib raqiblarni alday oladi, ikki oyoğida ham birdek harakatlana oladi, yakuniy zarbani bera oladi. Albatta Neymar kabi barqarorlikka erişiş uçun hali vaqt bor, u hali vaziyatlarni golga aylantiriş ustida işlaşi kerak, ammo ikki yil içida Usmon Neymarga tenglaşib, «Oltin töp» uçun unga raqobatçilik qila oladi.

Paulo Dibala, «Yuventus»
Transfer qiymati: 65 mln yevro (Transfermarkt.de ma'lumoti)
Bir neça yil muqaddam Dibala «Barselona»ga ötiş uçun Örta Yer dengizini suzib ötişga tayyorligini ma'lum qilgandi. Hozir Paulo öz bayonotlarida ehtiyotkor, ammo uning «Barsa»ga muhabbati heç kimga sir emas. Axir argentinalik ösmirlar Leo Messi bilan bir jamoada öynaşni orzu qilib katta bölmaydimi? «Barselona» uçun Dibala ham ideal variant bölişi mumkin – u paslarni aniq uzatadi, özi vaziyatlar yaratadi va özi hujumlarni a'lo darajada yakunlaydi. Qolaversa, «Yuventus»ning keyingi yillardagi siyosati şuni körsatmoqdaki, mömay pul evaziga öz yetakçilari bilan xayrlaşaveradi. Bir tomondan Çempionlar ligasi finallari katta öyinlarda Paulo yöqolib qolişini ham körsatdi.

Eden Azar, «Çelsi»
Transfer qiymati: 75 mln yevro (Transfermarkt.de ma'lumoti)
Eden Azar – zamonaviy futboldagi eng yaxşi driblyorlardan biri, Angliya çempioni bölgan jamoa yetakçisi, umuman olganda,«Barselona» uçun mos futbolçi. U «Çelsi»dan Ispaniyaga kosmik narx evaziga kelib, işonçni oqlay oladi.

Anxel Di Mariya, «PSJ»
Transfer qiymati: 40 mln yevro (Transfermarkt.de ma'lumoti)
Ha, şunday gaplar bor. Bir neça yil muqaddam Viktor Valdesni emaklatib, «Kamp Nou»ni jim qilgan bu futbolçi endi kök-anorranglilar futbolkasini kiyişi ham mumkin. Ispaniyadagi va Fransiyadagi naşrlarning yozişiça, «Barselona» «PSJ» bilan uşbu argentinalik futbolçi transferi borasida muzokara ötkazmoqda. Di Mariyaning nomzodi Messining taşabbusi, bu inson esa keyingi yillarda «Barselona» transfer siyosatida köp narsani hal qilmoqda. Anxel – katalonlar uçun yomon variant emas. Ammo uning yoşi 30da (u Messi va Suaresga tengdoş), öz oldiga ulkan maqsadlar qöyuvçi klub esa yoşroq hujumçilarni transfer qilişi ma'qul.