Chikagoda 60 mingta rezina o‘rdakcha "o‘zaro bellashdi"

Nogironlar uchun sport tadbirlarini tashkil etish bilan shug‘ullanuvchi Special Olympics xalqaro tashkiloti Chikagoda “o‘rdak derbisi”ni o‘tkazdi – daryo bo‘ylab 60 mingta rezina o‘rdakchalar “o‘zaro bahslashdi”.

12-marotaba o‘tkazilayotgan xayriya tadbirida istalgan kishi ishtirok etishi mumkin edi. Buning uchun besh dollarni sarflash va hech bo‘lmasa bitta rezina o‘rdakchani xarid qilish kerak edi. An'anaga ko‘ra, kimning o‘rdakchasi finishga birinchi bo‘lib yetib kelsa, o‘sha inson avtomobil egasiga aylanishi mumkin.

O‘rdakchalarni sotishdan tushgan mablag‘lar sportchi-nogironlarga yordam ko‘rsatish va Xalqaro maxsus Olimpiya o‘yinlarini o‘tkazishga yo‘naltiriladi.