Erkin iqtisodiy zonalarni rivojlantirishga 100 mln dollar yo‘naltiriladi

O‘zbekiston tiklanish va taraqqiyot jamg‘armasi (O‘TTJ) tijorat banklariga maxsus iqtisodiy zonalar hududida amalga oshirilayotgan investitsiya loyihalarini moliyalashtirish uchun umumiy summasi 100 mln. dollar bo‘lgan kredit liniyalarini ochadi. 

O‘zbekiston Prezidenti Shavkat Mirziyoyev 7 avgust kuni “Erkin iqtisodiy zonalar faoliyati samarali amalga oshishi uchun vazirliklar, idoralar, davlat hokimiyati organlarining joylarda muvofiqlashtirish bo‘yicha sa'y-harakatini kuchaytirish va mas'uliyatini oshirish bo‘yicha chora-tadbirlar to‘g‘risida”gi qarorni imzoladi.

O‘zbekiston rahbari O‘TTJga O‘zbekiston banklariga umumiy hajmi 100 mln. dollarlik kredit liniyalarini ochish haqida topshiriq berdi. Ular EIZ hududlarida amalga oshirilayotgan investitsiya loyihalariga yo‘naltiriladi.

Shavkat Mirziyoyev Markaziy bankka O‘zbekiston investitsiyalar bo‘yicha Davlat qo‘mitasi va vakolatli tijorat banklari bilan xorijiy banklar, xalqaro moliyaviy institutlar va donor mamlakatlar kredit linitsiyalarini EIZ hududlarida investitsiya loyihalarini amalga oshirish uchun jalb etish haqida tavsiya berdi.

Prezident erkin iqtisodiy zonalar faoliyatini yanada rivojlantirish bo‘yicha asosiy yo‘nalishlarni belgilab berdi.

Xususan, EIZ yuqori texnologiyali zamonaviy ishlab chiqarish quvvatlari, birinchi navbatda tayyor raqobatbardosh mahsulot va mahalliy xomashyo hamda materiallar bazasida ehtiyot buyumlari ishlab chiqarishni mahalliylashtirish nazarda tutilgan.

EIZga investitsiyalarni jalb qilish bo‘yicha ijobiy sharoitlar yaratish vazifasi yuklandi. Bu xorijiy yetakchi kompaniya va korporatsiyalar ishtirokida zamonaviy yuqori texnologiyali innovatsion ishlab chiqarishni tashkil etishda yordam berishi kerak.