2016 yil 22 martda Bryusselda amalga oshirilgan teraktlar tashkilotchilaridan biri Tarik Jadaun o‘ldirildi. Belgiyaning RTL-TVI telekanalining taxminicha, jangarini iroqlik harbiylar qatl etganlar.
Terrorchi Mo‘sul uchun janglar vaqtida asirga olingan.
"Jangarining o‘lgani haqida turli guruhlar a'zolari orasidagi deshifrlangan yozishmadan ma'lum bo‘ldi", deb aytilgan xabarda. Biroq jangari qatl etilganining rasmiy tasdig‘i olinmagan.
2016 yil 22 mart kuni Bryusselning Zaventem aeroporti va "Maalbek" metro stansiyasida portlashlar sodir etilgan. Teraktlar oqibatida 30 dan ko‘proq odam halok bo‘lgandi, 250 dan ko‘proq odam jarohatlangandi.
