Xitoyda birinchi internet-sud juma kuni Chjetszyan viloyatidagi Xanchjou shahrida ochildi, deb xabar bermoqda XXR Markaziy televideniyesi.
Sudni tashkil etish haqidagi qaror Xitoy Kommunistik partiyasi Markaziy qo‘mitasining 36-sessiyasi davomida qabul qilindi. Ochilish marosimida XXR Oliy xalq sudi raisi Chjou Tsyan va Chjetszyan viloyatining XKP qo‘mitasi kotibi Che Tszyun ishtirok etdi.
Internet-sud onlayn-savdodagi firibgarlik holatlari, internetda mualliflik huquqlarining buzilishi bilan bog‘liq bo‘lgan ishlarni ko‘rib chiqadi.
Sudning barcha jarayoni, da'vo arizasini yuborish va ishni qo‘zg‘atishdan boshlab, sud sayti orqali amalga oshiriladi. Eshituvlar hamda hukmni e'lon qilish ham real vaqt rejimidagi videotranslyatsiya yordamida onlayn tarzda ko‘rsatib boriladi.
