AQShda Porsche 911 Turbo sportkari egasi o‘zining “toychog‘i”ni o‘zi istagan rangga bo‘yatishi uchun 100 ming dollar, ya'ni shunday mashinaning narxidan ko‘proq pul to‘lashiga to‘g‘ri keldi. Bu haqda AQSh OAV ma'lum qilmoqda.
Mashina bo‘yalgan Porsche Exclusive atelesi mutaxassislarining aytishicha, sportkar egasi ularga mashinasini o‘ziga xos rangga bo‘yash iltimosi bilan murojaat qilgan.
Mijozning istagini 30 dan ko‘proq rangdan iborat 300 litr bo‘yoqni aralashtirgach qondirishga muvaffaq bo‘lingan.
Bundan tashqari, mashina egasi avtomobil tomi rangi boshqa detallar bo‘yalgan rangga sekin-asta o‘tishini istagan.
Mashinani bo‘yash uchun aytilgan xizmat haqi yana bir shunday mashinani sotib olishga yetsada, mijoz savdolashib o‘tirmaslikka qaror qilgan va natijada orzusidagi mashinani olgan.
