KXDR yetakchisi Kim Chen In kimyoviy materiallar ilmiy institutiga bordi va qattiq yoqilg‘idagi raketa dvigatellari hamda jangovar kallaklar ishlab chiqarishni ko‘paytirish haqida buyruq berdi. Bu haqda Koreya markaziy telegraf agentligi xabar qilmoqda.
«Uning buyrug‘iga ko‘ra, institut qattiq yoqilg‘idagi raketa dvigatellari va uglerod hamda aralash materiallardan foydalangan holda jangovar kallaklar ishlab chiqarishni ko‘paytiradi», - deyiladi xabarda.
Avvalroq Pxenyan AQSh va Janubiy Koreyaning harbiy mashqlarini kuzatayotgani hamda fitna harakati ro‘y beradigan bo‘lsa, ogohlantiruvchi zarba berishga tayyorligi ma'lum qilingandi.
