Shifoxonada yotgan bemorning ziraklari va pulini o‘g‘irlagan ayol qo‘lga olindi

Yangiyo‘l tumanida yashovchi, uy bekasi, 1972 yilda tug‘ilgan D.R. ariza bilan murojaat qilib, Yangiyo‘l tumani tibbiyot birlashmasida davolanib yotgan vaqtida 29 iyul kuniga o‘tar kechasi noma'lum shaxs, uxlab yotganidan foydalanib, erkin yo‘l bilan kirib, u yotgan palatadan narxi 950.000 so‘mlik 1 dona juft tilla ziragi va 150.000 so‘m pullarini o‘g‘irlaganligini ma'lum qilgan. Bu haqda Toshkent viloyati IIB xabar berdi.

Olib borilgan tezkor chora-tadbirlar natijasida ushbu jinoyatni Yangiyo‘l tumanida yashovchi 1982 yilda tug‘ilgan Z.X. sodir etganligi aniqlanib, ushlandi.

Ushbu holat yuzasidan unga nisbatan O‘zbekiston Respublikasi Jinoyat Kodeksning 169-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.