Donald Tramp tabiiy ofatlarning paydo bo‘lishiga aybdormi?

Tasodif yoki o‘ylanmay qilingan harakatmi, natija nima bo‘lganda ham, prezident Tramp ma'muriyati Harvi talafotidan ikki hafta oldin sobiq prezident Barak Obama davrida qabul qilingan, suv toshqini xavfi mavjud hududlarda tuman infratuzilma va bino qurilishiga oid qonun hujjatni bekor qilgandi.

Obama tomonidan imzolangan hujjat AQShda Suv toshqinlardan sug‘urtalash bo‘yicha Milliy dasturda (NFIP) ko‘rsatilgan standartlarni tartibga solishda muhim edi, deb yozadi Time nashri. 1968 yil qabul qilingan Milliy dastur bo‘yicha suv toshqini yuz berganda harakatlanish va unga qarshi tura olish quvvati bir me'yorga keltirilgan va vaqt o‘tishi bilan bu standartlar takomillashtirildi. Agar dastur qabul qilinmaganda yoki vaqt o‘tgan sari rivojlantirilmaganda, AQShning ko‘p hududlari bugungi Hyuston kabi ko‘rinish kasb etishi tayin edi.

2015 yanvar oyida Obama tomonidan imzolangan 13690 sonli qaror bilan sohilbo‘yi shaharlarda yangi Suv toshqini xavfini aniqlash va boshqarish federal standarti qabul qilingan.

Amaldagi prezident ma'muriyatining "har qanday byudjyetdan ajratiladigan mablag‘lar yangi ish o‘rnini yaratishga ishlatilishi kerak", degan g‘oya bilan ish tutish, alal-oqibat ayanchli natijaga olib kelishi birgina Harvi ofati bilan isbotlandi.