Argentinada “siniy kit”ga o‘xshash guruh asoschisi bo‘lgan o‘smir qo‘lga olindi

Argentinada dunyo bo‘ylab ommaviy suiqasdlarni uyushtirayotgan 17 yoshli o‘smir qo‘lga olindi, deb yozmoqda El Pais gazetasi.

Xabarlarga ko‘ra, o‘smirning vahshiyona rejasini Baskoniya (Ertzaintza) politsiyasi barbod qilishning uddasidan chiqqan. Politsiya mahkamasi ijtimoiy tarmoqlarda o‘z a'zolarini 17 avgustda ommaviy joniga suiqasd qilishga undayotgan xalqaro guruhni aniqlagan. 

Basklar politsiyasining internet xizmatlarini ko‘rsatuvchi kompaniyalar bilan hamkorligi natijasida ommaviy o‘zini-o‘zi o‘ldirish tashkilotchisi Argentinada yashayotgani aniqlangan. 

So‘ngra Ertzaintza xodimlari argentinalik hamkasblari bilan bog‘lanishgan va belgilangan muddatdan 6 kun avval yosh yigit ushlandi. 

Nashrning qayd etishicha, o‘smirning xonasida pichoqlar va ustara lezviyalari, shuningdek, qonga belangan doka topilgan. Xabarlarga ko‘ra, voyaga yetmagan o‘smir ruhshunos mutaxassislar nazoratida. 

Huquq-tartibot organlari tergovni davom ettirayotgani bois, qurbonlar soni va millatiga oydinlik kiritilmayapti. Tergovchilar, shuningdek, guruhning barcha a'zolarini yoki 17 yoshli o‘smir tomonidan tashkil etilgani ehtimol bo‘lgan boshqa guruhlarni ham aniqlash ustida ish olib borishmoqda.