Assanj: Tramp lavozimidan chetlashtiriladi

Maxfiy ma'lumotlarni oshkor qilish bilan shug‘ullanuvchi WikiLeaks sayti asoschisi Julian Assanjning bayonot berishicha, AQSh prezidenti Donald Tramp Xitoy bilan savdoga barham bersa, lavozimidan chetlashtiriladi. Assanj bu haqda Twitter sahifasida yozdi. 

«KXDR 90 foiz savdosini Xitoy bilan olib boradi. Agar Tramp AQShning Xitoy bilan 650 mlrd dollarlik savdosini to‘xtatsa, o‘sha vaqtdayoq lavozimidan chetlashtiriladi», — deb yozgan Assanj.

Avvalroq, Donald Tramp o‘z Twitter sahifasida Vashington KXDR bilan «biznes yuritayotgan» mamlakatlar bilan savdo aloqalarini butunlay to‘xtatish masalasini ko‘rib chiqayotgani haqida yozgan edi.