Nadal US Open g‘olibi bo‘ldi

Dunyoning amaldagi birinchi raqamli erkak tennischisi Rafael Nadal AQSh ochiq chempionati finalida janubiy afrikalik Kevin Andersonni mag‘lub etdi. Nyu-Yorkda o‘tgan uchrashuv 6:3, 6:3, 6:4 hisobida ispan foydasiga hal bo‘ldi. Shu tariqa Nadal musobaqaning 2017 yilgi g‘olibi bo‘ldi.

Uchrashuv 2 soat-u 27 daqiqa davom etgan. Ispan to‘pni o‘yinga kiritayotganda bir marta uni tashqariga chiqarib yuborgan, bir marta ikki karralik xatoga yo‘l qo‘ygan hamda 9 ta breyk-poyntdan 4 tasini amalga oshirgan. Anderson 10 ta eys, 4 ta ikki karralik xato va birorta amalga oshirilmagan breyk-poyntga yo‘l qo‘ydi.

Shu tariqa 31 yoshli Nadal “Katta dubulg‘a” seriyasidagi 23-musobaqasini o‘z foydasiga hal qilib, bu seriyada yakka tartibdagi 16-unvonini qo‘lga kiritdi. “Tuproqli kortlar qiroli” bir marotaba Avstraliya ochiq chempionatini, 2 marta Uimbldonni, 3 marta AQSh ochiq chempionatini va 10 marta “Rolan Garros”ni qo‘lga kiritgan.