Poytaxtda Milliy boğ buzib taşlanadimi? Professor bunga qarşi

Okean yoki dengiz böyida barpo etiladigan delfinariyni tuşunsa böladi. Biroq bu yerda qanday qilib qurişmoqçi — tuşunarsiz. Delfinlar qanday suvda yaşaydi, bu yerda tanqis bölgan suv qanday yangilanadi, bunga qança suv ketadi? Hisob-kitoblar bormi? Suvdan foydalaniş uçun tölov qay tariqa amalga oşiriladi?

Hammasidan ham, kuniga 10 ming nafar taşrif buyuruvçi degani — şahar markazida, boz ustiga, aeroportga olib boruvçi boş köçada yirik tirbandlik keltirib çiqarilişini anglatadi. Bu muammo qanday hal etiladi?

Bolalar temiryöliga ham açinasan kişi — bu ham şahar tarixining bir qismi, köplab insonlarning bolalik xotirasi hisoblanadi. Milliy boğda har kuni sayr qiluvçi qariyalar nima qiladi? Ularning manfaatlari nima böladi, bugungi boğni yaxşi köradigan köplab şaharliklarning manfaati-çi? Şahar örtasida yaşil boğga ega bölib, katta attraksionlar va savdo markazlarini şahar çekkasida qurgan ma'qul emasmi? Bu loyiha Toşkentda köp yillik daraxtlar kesilişini anglatmaydimi?

Bir paytlar Toşkent markazida ajoyib boğ bor edi — Gorkiy nomidagi park. Uning örnida şahar hokimligi qad rostladi. Gözallikda undan ham qolişmaydigan pionerlar boği bölardi — uning örni sobiq davlat rahbarining idorasiga böşatib berildi. Bizni yana navbatdagi park zonasi yöqotilişi kutmoqdami?

Köplab insonlarning hayotiga daxl qiluvçi bunday loyihalar jamoatçilik muhokamasi va sinçkovlik bilan ötkazilgan ekspert hisob-kitoblaridan söng amalga oşirilişi kerak. Insonlar hammasidan boxabar bölişlari uçun ekspertiza xulosalarini naşr etiş kerak. Siyosiy partiyalarimiz, ekologik harakat, parlamentçilarning munosabatlari qani? Ular bu muhim masala borasida qanday fikrda?

Bir qalam tortiş bilan Milliy boğni yöq qiliş va uni tijorat loyihasi uçun berib yuboriş — şaharliklar hayoti uçun yomon oqibatlarga olib keluvçi, öylanmagan qadam hisoblanadi. Loyihaning tarafdorlari va unga qarşilar örtasida töğridan-töğri teledebatlar ötkazilsin — bu jamoatçilik ongi darajasini oşiradi va töğri qarorga kelişda yordam beradi va umuman, millionlab insonlarning hayotiga daxldor bunday yirik  işlar tegişli xalq referendumidan söng bajarilişi kerak. "Xalq bilan muloqot yili"da xalq bilan maslahatlaşişsa bölardi.

Toşkent markazidagi Milliy boğ çindan ham yangilanişga muhtoj. Biroq buni har tomonlama puxta öylab, jamoatçilik muhokamasidan ötkazib, Londondagi Hayd-park, Nyu-Yorkdagi Markaziy park yoki Tokiodagi Hibiya parki singari eng namunali jahon parklaridan andoza olib amalga oşiriş lozim. Boğda velosiped yölkasi barpo etiş, uning ösimlik dunyosini boyitiş, yangi va unikal daraxtlar va gullar ekiş, unga yangi va jozibali landşaft dizaynini joriy etiş kerak. Bunday boğ gözallik, sokinlik va tabiat bilan uyğunlaşiş göşasi bölmoği kerak, aslo şovqin-suronli attraksionlar va savdo maydonlari joyi emas.