Urushlar, soliqlarning keng miqyosda qisqartirilishi va iqtisodiy stimullashtirish dasturlari AQSh milliy qarzining nihoyatda ko‘payishiga olib keldi, deb yozadi Insider.Pro
AQSh davlat qarzi tarixda ilk bor 20 trillion dollardan oshdi. 8 sentabr kuni AQSh prezidenti Donald Tramp davlat qarzi yuqori chegarasini vaqtinchalik oshirishni nazarda tutuvchi qonunni imzolagan, deb xabar beradi Business Insider. O‘sha kuniyoq davlat qarzi hajmi 20,162 trillion dollarga yetgan.
Tarixning guvohlik berishicha, milliy xarajatlarning oshishida Amerikaning har ikki partiyasi aybdor. Ko‘p yillardan buyon vaziyat urushlar, soliqlarning qisqartirilishi va rag‘batlantirish dasturlari vositasida vaziyat yanada keskinlashtirilib kelingan.
Bu Amerika tarixining davlat tashqi qarziga sezilarli ta'sir o‘tkazgan asosiy voqealari va uning yaqin kelajakdagi ehtimolli dinamikasi.
1981 yilning avgustida mamlakatda iqtisodiy tanazzul ro‘y berishining avvalida prezident Reygan soliqlarni keskin qisqartirish haqida qonunni imzolaydi. Reygan tarafdorlari bu qonun iqtisodiyot va fond bozorini qo‘llab-quvvatlaganini aytadi, biroq buning o‘ziga yarasha minuslari ham bor edi: byudjyetga pul tushumi kamayib ketgan edi. AQSh Moliya vazirligi tadqiqoti shuni ko‘rsatadiki, ushbu qonun qabul qilinganidan so‘ng o‘tgan dastlabki to‘rt yilda federal byudjyetga tushumlar (zamonaviy kurs bo‘yicha) yiliga 118 milliard dollarga qisqargan.
2001 va 2003 yillarda kichik Jorj Bush ham soliq islohoti haqidagi qonunlarni imzolaydi. Jismoniy shaxslarning daromadlari, kapitalning o‘sishi va dividentlarga soliq stavkalari kamaytiriladi. Jadval har bir qonunning byudjyetga tushumlarning qisqarishidagi rolini ko‘rsatib turibdi. 2010 yilda Barak Obama soliqlarni ayirib tashlash haqidagi qonunning amal qilish muddatini yana ikki yilga uzaytiradi, biroq 2012 yilda ularning aksariyatini doimiy qilib qo‘yadi. Byudjyetga doir va siyosiy ustuvorliklar markazi maslahatchisining fikriga ko‘ra, Bush tomonidan qabul qilingan qonunlar tufayli 2017-moliya yilida foizlari bilan hisoblanganda davlat xazinasi 5 trillion dollardan quruq qolgan.
