14:14 / 20.09.2017
8435

O‘zbekistonda Ixtirochi ayollar uyushmasi tashkil etildi

Joriy yilning 15 sentabr kuni  O‘zbekiston Xotin-qizlar qo‘mitasi Boshqaruvi yig‘ilishi bo‘lib bo‘lib o‘tdi. Yig‘ilish qaroriga muvofiq, mamlakatda xotin-qizlarga oid davlat siyosatining ustuvor yo‘nalishlarini amalga oshirish hamda O‘zbekiston Xotin-qizlar qo‘mitasining oldida turgan muhim maqsad va vazifalarni samarali tashkil etish maqsadida Qo‘mita va uning xududiy bo‘limlari qoshida  O‘zbekiston Ixtirochi ayollari uyushmasi tashkil etildi. Bu haqda KUN.UZ’ga O‘zbekiston Xotin-qizlar qo‘mitasi matbuot xizmati xabar berdi.

O‘zbekiston Xotin-qizlar qo‘mitasi va Uyushma tomonidan respublika olima ayollari, doktorant,  mustaqil izlanuvchi, iqtidorli talaba, ixtirochi, ratsionalizator, muhandis, konstruktor va mutaxassis xotin-qizlarning imkoniyat, qobiliyat, bilim darajasi, talab va ehtiyojlarini o‘rganish asosida ularning  manfaatlarini himoya qilish, qo‘llab-quvvatlash hamda rag‘batlantirishga qaratilgan dasturlar ishlab chiqilib, bosqichma-bosqich  amalga oshirilishi ko‘zda tutilgan.

Shuningdek, «O‘zbekiston ayollarining 100 ta innovatsion loyihasi» I-Respublika tanlovini o‘tkazish rejalashtirilmoqda. Joriy yilning sentabr oyida mazkur tanlovni tashkil etish bo‘yicha Qo‘mita va Uyushma hamkorligida amalga oshirilayotgan ishlar bo‘yicha matbuot anjumani bo‘lib o‘tadi.

Mavzuga oid
Top