O‘zbekistonning Turkiyadagi yangi elchisi vazifasiga kirishdi

Bugun, 20 sentabr kuni O‘zbekiston Respublikasining Turkiya Respublikasidagi Favqulodda va Muxtor Elchisi Alisher A'zamxo‘jayev Toshkentdan Turkiyaga jo‘nab ketdi. Bu haqda O‘zbekiston TIV sayti xabar qilgan.

Ilgari TIV markaziy apparati MDH mamlakatlari, shu jumladan Rossiya bilan hamkorlik boshqarmasi boshlig‘i lavozimida ishlagan A'zamxo‘jayev avgust oyi oxirida lavozimga tayinlangandi.

A'zamxo‘jayev 12 yildan buyon O‘zbekistonning Anqaradagi elchisi bo‘lib kelgan Ulfat Qodirov o‘rnini egalladi.