Etihad Airways aviachipta narxini bo‘lib-bo‘lib to‘lashga ruxsat berdi 

Etihad Airways aviakompaniyasi yangi xizmat ishga tushirilgani haqida ma'lum qildi. Unga ko‘ra xaridorlar chiptalar pulini bo‘lib-bo‘lib to‘lash sharti bilan olishlari mumkin. Bu haqda The National nashri xabar berdi.

Endilikda, chiptalarni onlayn xarid qiladigan yo‘lovchilar birdaniga to‘lovni amalga oshirish o‘rnigani internet orqali har oylik to‘lov kiritish xizmatidan foydalanishlari mumkin.

Shu bilan birga, chipta narxini qoplashga uch oydan 60 oygacha bo‘lgan muddat beriladi. 

Aviakompaniyadan ma'lum qilishlaricha, tashabbus past va o‘rta daromadga ega yo‘lovchilar talabiga mos tushadi, ularga chipta uchun pulni bo‘lib-bo‘lib to‘lash qulaydir.