MRB rus tilini biladigan xodimlarni yig‘moqda

AQShning Markaziy razvedka boshqarmasi (MRB) «haqiqatni oshkor qilish» uchun rus tilini biladigan xodimlarni jalb qilmoqda.

«Rus tilida gaplasha olasizmi? Siz oliy ma'lumotli AQSh fuqarosimiz? Milliy xavfsizlikka qiziqasizmi? Sizning mahoratingiz bu yerda kerak», - deyiladi MRBning Twitter’dagi xabarida.

Xabarga biriktirilgan rasmdagi yozuvda «MRB tilshunos-xodimi sifatida haqiqatni oshkor qilish mumkin ekani» aytiladi.

Mahkama xabari foydalanuvchilarga kuchli ta'sir ko‘rsatdi. Xususan, ulardan biri «Trampda endi ish bor», deb yozgan. Buyuk britaniyalik bir foydalanuvchi esa shunday deb yozdi: «Bu ish taklifi bilan chiqilgan eng zerikarli xabar. Siz filmlarni ko‘rmaysizmi?». Twitter’ning AQShdan bo‘lgan boshqa bir foydalanuvchisi shunday deb yozgan: «Bu yigitlar gap nimada ekanligini bilishadi. Rossiyada saylovlar yaqinlashayotgani haqida mish-mishlar mavjud».

Avvalroq, Germaniyaning Optronic HR kadrlar agentligi Germaniyada AQSh harbiy mashqlari uchun rus tilida gaplashadigan odamlarni qidirishayotgani haqida xabar bergandi. Pentagonning ma'lum qilishicha, Germaniyada joylashtirilgan AQSh qo‘shinlari mashqlarida «rus tilida so‘zlashuvchi statistlarning» ishtiroki qandaydir harakatlarga tayyorgarlik hisoblanmaydi.