Farg‘onada uslubchi maktab o‘qituvchilarini muntazam ravishda “talagan” 

Milliy xavfsizlik xizmati Farg‘ona viloyati tumanlaridan birining xalq ta'limi bo‘limi uslubchisi maktab o‘qituvchilaridan muntazam ravishda pul olib kelgani bilan bog‘liq firibgarlik sxemasini fosh etdi.

O‘zbekiston tumanidagi o‘rta maktab o‘qituvchisi huquqni muhofaza qilish idoralariga murojaat qilib, mahalliy tuman xalq ta'limi bo‘limi uslubchisi X.Mo‘minova undan 2-, 3- va 4-sinflar uchun yillik o‘quv rejasini taqdim etish evaziga 90 ming so‘m talab qilganini ta'kidlab o‘tgan.

"Ushbu arizaga asosan, dastlabki tergov tadbirlarini olib borgan tezkor guruh tashkil qilindi. Natijada Mo‘minova tumandagi o‘rta maktablar o‘qituvchilarining yillik o‘quv rejalarini ko‘rib chiqish va tasdiqlash uchun o‘z xizmat vakolatlarini muntazam ravishda suiste'mol qilgani hamda turli bahonalar bilan kamchiliklarni iddao etgan holda, qayta ko‘rib chiqish uchun qaytarib bergan", - dedi Milliy xavfsizlik xizmati vakili.

Buning evaziga Mo‘minova pul mukofoti uchun namunali reja sifatida o‘zi tayyorlagan rejani taqdim etgan. Tekshiruv davomida aniqlanishicha, u shu tariqa tumandagi o‘rta maktablarning 20 nafar o‘qituvchisidan 2,6 mln. so‘m olgan.

Mutaxassislarning so‘zlariga ko‘ra, uslubchi Xalq ta'limi vazirligining 2011 yil 23 martdagi “Xalq ta'limi muassasalari faoliyatini metodik ta'minlashni tashkil etishda shahar va tuman bo‘linmalari xodimlari mas'uliyati” qaroriga muvofiq pullik xizmatlarni ko‘rsatish huquqiga ega bo‘lmagan.

Bundan tashqari, uslubchining ish kabinetida 3,7 ming AQSh dollari va 9,3 million so‘m, shuningdek, pul bergan o‘qituvchilarning ism-shariflari yozilgan daftar topildi. Ular ashyoviy dalillar sifatida olib qo‘yildi.

Bosh prokuratura huzuridagi SVOJJDLQK departamenti tomonidan Mo‘minovaga nisbatan Jinoyat kodeksining 168-moddasi (firibgarlik) bilan ish qo‘zg‘atildi.