Ko‘priklarning ishi uchun mas'ul bo‘lganlar belgilandi

Prezidentning 4 oktabrdagi “Avtoyo‘l ko‘priklari, yo‘l o‘tkazgichlari va boshqa sun'iy inshootlarni qurish va ulardan foydalanishni tashkil etish tizimini takomillashtirish to‘g‘risida”gi qarori e'lon qilindi.

Hujjat bilan “Trest “Ko‘prikqo‘rilish” UK (“O‘zbekiston temir yo‘llari” AJ tizimi korxonasi) avtoyo‘l ko‘priklari, uzunligi 500 metrdan ortiq yo‘l o‘tkazgichlari va boshqa sun'iy inshootlardan foydalanish bo‘yicha vakolatli tashkilot etib belgilandi.

Unda quyidagilar tashkil etilmoqda:

ikkita ixtisoslashtirilgan filial – ko‘priklar, yo‘l o‘tkazgichlar va boshqa sun'iy inshootlarni qurish va rekonstruksiya qilish bo‘yicha 1- va 2-sonli ko‘prik qurish otryadlari;

hududiy tuzilmaviy bo‘linmalariga ega bo‘lgan, ko‘priklar, yo‘l o‘tkazgichlar va boshqa sun'iy inshootlardan foydalanish bo‘yicha unitar korxona;

"Ko‘priklar, yo‘l o‘tkazgichlar va boshqa sun'iy inshootlarni loyihalashtirish bo‘yicha institut" UK;

“Ko‘priklar, yo‘l o‘tkazgichlar va boshqa sun'iy inshootlarni qurish va rekonstruksiya qilish bo‘yicha direksiya” UK;

“Qurilish sifati bo‘yicha laboratoriya” UK;

"Trest ”Ko‘prikqurilish" UKning 13-sonli ko‘prik otryadi ishlab chiqarish bazasida "Temir-beton va boshqa konstruksiyalarni tayyorlash bo‘yicha zavod" UK;

"Maxsus temir-beton mahsulotlari va konstruksiyalarini ishlab chiqarish bo‘yicha zavod" UK.

Qaror bilan qator boshqa tashkiliy masalalar ham tartibga solingan.

Hujjat 5.10.2017 yildan kuchga kirdi.