Yer yonidan maksimal yaqinlikda asteroid uchib o‘tadi

Astronomlar Yerga maksimal yaqin uchib o‘tadigan 2012 TS4 asteroidini kuzatishga intiqlik bilan tayyorlanmoqdalar. Koinot jismi sayyoramiz bilan 12 oktabrda yaqinlashadi. Asteroid uni binokollarda ko‘rsa bo‘ladigan darajada anchagina yirikdir.

Asteroid Antarktika hududi ustidan Toshkent vaqti bilan soat 10.42larda uchib o‘tadi. Jism Yerdan bor-yo‘g‘i 44880 km naridan uchib o‘tishi kutilmoqda. Koinot o‘lchovlariga ko‘ra bu juda kichik qiymatdir. Taqqoslash uchun, Yerdan Oygacha bo‘lgan masofa 384403 km ni tashkil qiladi, Yer ekvatori esa 40 ming km dan biroz ko‘proqdir.

"12 oktabrda Yer yonidan 44 km uzoqlikda 2012 TC4 asteroidi uchib o‘tadi. Bu masofa Oygacha bo‘lgan masofaning o‘ndan bir qismidan sal ko‘proqni va ba'zi aloqa yo‘ldoshlari orbitalaridan sal balandroqni tashkil qiladi", deb aytilgan NASA agentligi saytida.

Ta'kidlanishicha, asteroidning diametri turlicha baholashlarga ko‘ra 15 metrdan 30 metrgachani tashkil qiladi. Avvalgi marta asteroid Yer yonidan 2012 yilda uchib o‘tgan. U o‘sha vaqtda sayyoramiz yonidan 94800 km naridan uchib o‘tgandi. 

NASA’ning ta'kidlashicha, olimlar prognozlariga ko‘ra, fanga ma'lum bo‘lgan birorta asteroid yaqin 100 yil ichida Yer bilan to‘qnashmasligi kerak.