Tahlil. «Mançester Siti»ga nima xalaqit berişi mumkin

«Mançester Siti» ijroçilariga e'tibor bersak, APL öyinlarida 6 futbolçi – Aguero (7+3), Sane (5+4), Sterling (6+2),  Jyezus (6+1), De Bryuyne (1+6) va Silva (1+6) lar allaqaçon APLda 6tadan köp golda iştirok etib ulgurişdi. Ta'qibçilar «Mançester Yunayted» va «Tottenhem» tarkibida bunday öyinçilar 3 nafardan xolos.

Ammo bu omil jamoa tarkibi rotatsiyalar uçun kattaroq imkoniyat taqdim etişini anglatmaydi. Aksinça, bu jihatdan «Mançester Siti» Pepning «Barselona»siga öxşab ketadi – ya'ni, bu futbolçilar alohida emas, birgalikda katta kuçni hosil qiladilar. Bu boğlamlardan qaysi birlarini olib taşlaş futbolçilarning individual ustunliklariga ham salbiy ta'sir qiladi. Bu omil murabbiyga muhim pozitsiyalarda rotatsiya qiliş imkonini bermaydi. Gvardiola qanot va markaz himoyaçilari yoki hujumçini almaştirib turiş orqali ularning tetikligini nazorat qilişi mumkin, ammo eng muhim bölak – yarim himoyaga kelganida, rotatsiyalar öyin sifatiga putur yetkazadi. Bunga misol qilib, keçagi «Vulverhempton»ga qarşi öyinni keltiriş mumkin – yarim asosiy tarkibda tuşgan jamoa mavsumda ilk marotaba raqib darvozasini işğol qila olmadi. Raqib Chempionship vakili bölsa ham.

Bu şuni anglatadiki, taqvim yoki raqibning kimligi ahamiyatga ega emas, «Mançester Siti» mexanizmi vaqti vaqti bilan öziga özi yutqazib turişga mahkumdek. Töğri, rotatsiyalar va ba'zi futbolçilarsiz öynaşga majbur böliş muammosi boşqa jamoalarda ham bölib turadi. Ammo aytaylik, «Çelsi» yoki «MYu» öyin sifati juda yomon bölgan öyinlarda ham ayrim individual öyinçilar yordamida kerakli oçko oliş salohiyatiga ega va ularda bunday öyinlar köp böladi. «Mançester Siti»ning bor kuçi va bor imkoniyati aynan mukammal jamoaviy öyinda ekani körinib turibdi. Jamoa öz potensialini töliq namoyiş qila olmagan öyinlarda («Everton», «Bornmut», «Vulverhempton») muammolari kattaroq bölişiga e'tibor qaratiş kerak.   

HIMOYaLANIŞ va «TURe EFFeKTI»

Ötgan öyinlarga qarab, «Mançester Siti»ning himoyalaniş uslubini ilğaş mumkin – jamoa Angliyadagi aksariyat raqiblariga nisbatan töp bilan himoyalanadi. Ya'ni, eski «Barselona»ning ğoyasi – töp 70-80 foiz bizda ekan, raqib hujum qila olmaydi.

Okey. Ammo bugungi «Mançester Siti»ni «Real», «Bavariya» yoki «Barselona»ga qarşi öyinini tasavvur qila olasizmi? Mourinoning avtobusini yoki Kloppning tentakona hujumlarini tasavvur qiliş osonroq, menimça. Yevropa grandlari «Mançester Siti»ga 70 foiz töpni nazorat qiliş imkonini berişmaydi, kamida ellik foiz töpni özlarida saqlab turişadi – demak hujum qilişadi. Sterling, Sane, Jyezus, Silva kabi futbolçilar esa, şunça vaqt töpsiz öynaşlariga, pozitsion himoyalanişlariga töğri keladi. Bu futbolçilar kerakli paytda haqiqiy himoyaçi böla olişlariga işoniş qiyin, Pep Mourino emaski, tarkibdagi har bir futbolçidan potensial himoyaçi bölişni talab qilsa.

Albatta, ba'zi vaziyatlarda ispaniyalik murabbiy hujumkor yarim himoyaçilardan biri yoki bir neçtasidan voz keçişga qaror qiladi, u holda, yana öşa gap, «Siti» bugungi «sehri»dan ajralib, oddiy jamoaga aylanib qolişi mumkin. Buning ustiga öşa himoyaviy markaziy yarim himoyaçilar ham köp emas: Delf Mançesterda ötgan uç yilda muntazam maydonga tuşgan davrga ega bölmagan, Turening himoyalanişda qanday öynaşini hamma biladi, Gundöğan hali «söyilmagan qovun», faqat Fernandino qolyapti xolos.   

Angliya Premer Ligasi tarixidagi barça çempionlarni tahlil qiliş mumkin, uzoq masofada barqaror oçko olişda markaziy yarim himoyaçilarning örni beqiyosdir. Fernandino bugungi «Mançester Siti» tarkibida muvozanatni saqlaşda muhim futbolçi, lekin uning özi yarim himoyaning «himoya» bölimi uçun yetarli bölmasligi mumkin. «Siti»ning bugungaça raqiblarining tarkibi aniq xulosa uçun ertaligini körsatadi: mana şu ajoyib statistikani hosil qilgan öyinlar içida faqat «Çelsi» bilan safardagi öyinga yuqori baho beriş mumkin. «Liverpul» qariyb butun öyinni kamçilikda ötkazdi, «Everton» biroz intizomli öynab, «Ittihod»dan oçko olib ketdi, «Napoli» ham buni uddalaşga yaqin edi.

Ya'ni «Mançester Siti» hozirça himoyalanişda jiddiy bosimga duç kelmadi. «Vest Hem», «Lester», «Vest Bromviç» kabi ğirt teskari falsafa egalari Pep Gvardiolaga muammo tuğdirişlari mumkin.

BOŞQAÇA HUJUMÇI

Qaçondir «Mançester Siti»ga qarşi dadilroq va qattiqroq öynaşni boşlaşadi yoki mana şunday raqiblar köpayib boradi. Öşanda «Mançester Siti» bugungidek köp imkoniyatga ega bölmasligi, hujumdagi rang-barang kombinatsiyalar iş bermay qolişi mumkin. «Mançester Siti»ga qarşi ziçroq va tartibliroq himoyalanilganda, Pep boşqaça uslub, masalan, raqibning kuçini kesadigan rejani maydonga taşlaşi mumkinmi?

Masalan, baland böyli, yuqori qavatda boş bilan yaxşi öynay oladigan  taran hujumçi haqida gap bormoqda. Jarima maydoniga uzun paslar orqali raqib himoyasida «xaos» paydo qiliş orqali tartibni buzib yuboriş uçun qurol Pepda yöqdek. Jyezus va Aguero bir biriga yaqin uslubda harakat qiladigan hujumçilar sanaladi, yarim himoyaçilar ham örta böyli, yuqori qavatda u qadar ustun emaslar.

«Mançester Siti»ning çempionlik mavsumlarida Balotelli, Tevez, Negredo kabi umuman boşqa uslubdagi hujumçilar mavjud bölgan va ular kerakli pallalarda katta sahnaga çiqa olişgan. Nafaqat yuqori qavatda hujum qiliş, balki raqibning standart vaziyatlarini qaytarişda ham, ayniqsa Angliyada, boşqaça futbolçilar kerak böladi.

BOŞQA JAMOALAR

Ötgan mavsumning 6 turidan söng, «Mançester Siti» yuz foizlik natija körsatgan holda, yaqin ta'qibçisidan 6 oçko ilgarilab ketgan va göyoki heç qaçon yutqazmaydigandek köringandi. Ammo boşqa bir jamoa – «Çelsi» mavsum örtasida undanam yaxşiroq seriyani qayd etdi va qatorasiga 13 öyinda ğalaba qozonib, muhim pallada turnir jadvalida karvonboşi bölib olgandi.

Ya'ni, albatta, «Mançester Siti» oçko yöqotadi, bu holatning turnir jadvaliga ta'sir qilişi uçun boşqa bir jamoa ham barqaror ğalaba qozonişni boşlaşi kerak. Masalan, «Tottenhem» sönggi 6 öyinning 5tasida ğalaba qozongan holda, oçkolar böyiça 2-öringa kötarilib oldi. Poçettino şogirdlaridan köproğini ham kutiş mumkin.

Qahramon Aslanov