Berdimuhamedov Turkmaniston bosh bojxonachisini ishdan oldi

Turkmaniston prezidenti Gurbanguli Berdimuhamedov xavfsizlik kengashining 25 oktabr kuni bo‘lib o‘tgan yig‘ilishi davomida Davlat bojxona xizmati raisi Ya.So‘yegovni boshqa ishga o‘tgani munosabati bilan egallab turgan lavozimidan ozod etish to‘g‘risidagi hujjatni imzoladi, deb xabar bermoqda davlat rahbari matbuot xizmati.

Turkmaniston rahbari Davlat bojxona xizmati raisi lavozimiga A.Osmanovni tayinlagan.

Eslatib o‘tamiz, Osmanov bungacha Sog‘lom jamiyat xavfsizligini muhofaza qilish davlat xizmati rahbari lavozimida ishlab kelgan.