«Barselona» siyosatdan chetroqda yurishga qaror qildi

«Barselona» klubi Kataloniya tomonidan mustaqillikning e'lon qilinishiga hech qanday izoh bermaydi.

Ma'lumki, kecha hudud parlamenti Ispaniyadan ajralib chiqish haqidagi rezolyutsiyani tasdiqlagan, kataloniyaliklar esa bu voqeani tonggacha nishonlab chiqishgandi.

Marca xabariga ko‘ra, «Barselona» siyosatdan chetroqda bo‘lishga qaror qilgan.

Avvalroq, prezident Bartomeu Kataloniya hukumati tarafdori ekanini aytgan, biroq bu borada hech qanday rasmiy bayonot bermasligini ma'lum qilgan edi.