Mirziyoyev Yashnobod tumanida qishloq xo‘jaligi mahsulotlari do‘koniga kirdi

Foto: O‘zA

Prezident Shavkat Mirziyoyev Toshkent shahri Yashnobod tumanidagi "Vatandosh" mahalla fuqarolar yig‘inida tegishli vazirlik va idoralar rahbarlari, Toshkent shahar tumanlari hokimlari va faollari bilan uchrashdi. Bu haqda O‘zA xabar bermoqda.

Ochiq muloqot shaklida o‘tgan uchrashuvda kommunal, yo‘l-transport, ta'lim, tibbiyot, fan-texnika sohalarida amalga oshirilayotgan ishlar va yechimini kutayotgan dolzarb masalalar xususida so‘z yuritildi.

Shavkat Mirziyoyev mazkur mahalladagi qishloq xo‘jaligi mahsulotlari do‘konida ham bo‘ldi va aholi ehtiyojlari uchun zarur mahsulotlar turi va narxi bilan qiziqdi.