Qoʻshimcha funksionallar
-
Tungi ko‘rinish
«Iroqqa koalitsiya emas, Eron yordam berdi»
Foto: Vox
Shialarning «Badr» nomli harbiylashgan guruhlari qo‘mondoni Hadi al-Amiriy Bag‘dodda o‘tgan konferensiya vaqtida Iroqda IShIDga qarshi urushda AQSh boshchiligidagi xalqaro koalitsiya emas, Eron yordam bergani haqida gapirdi. Bu haqda kurdlarning «Rudau» telekanali xabar tarqatdi.
U AQShni «sovuq urush» yillaridagi siyosati orqali Afg‘onistonda va Yaqin Sharqda ekstremizm urchishiga sabab bo‘lgani uchun ayblagan.
Qo‘mondon AQSh harbiylari Yaqin Sharqda bo‘lishi terroristik tahdidning o‘sishiga sabab bo‘lishini ta'kidlagan.
Bundan avvalroq AQSh Davlat kotibi Reks Tillerson «IShID mag‘lub etilgani» munosabati bilan Iroq hududidan barcha xorijiy harbiylar, shu jumladan, eronliklar chiqib ketishi kerakligi haqida aytib o‘tgandi.
Bunga javoban Iroq bosh vaziri Haydar al-Obodiyning ma'muriyati Iroq ichki ishiga xorijliklarning aralashuviga qarshilik ifodalangan bayonotni e'lon qildi.
