Bosh prokuratura huzuridagi Departamentning Ellikqal’a tumani bo‘limi tomonidan o‘tkazilgan tergovga qadar tekshiruvda fuqaro R.S. 3 nafar fuqaroning ishonchiga kirib, ularni Dubay shahri va Moldova davlatiga ishga yuborishini aytib, 2 000 AQSh dollari va 4 mln so‘mni firibgarlik yo‘li bilan qo‘lga kiritganligi aniqlangan.
Departamentning Yangihayot tumani bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda esa “E.W.” MChJ rahbari B.U. va boshqalar o‘zaro til biriktirib, fuqaro Sh.L.ning ishonchiga kirishgan.
Ular uni migratsiya agentligida ishlovchi tanishlari orqali Belarus davlatiga ishga yuborishga va’da berib, 500 AQSh dollari va 1,2 mln so‘mni olgan vaqtida ashyoviy dalillar bilan ushlanganlar.
Mazkur holatlar yuzasidan jinoyat ishlari qo‘zg‘atilib, tergov harakatlari o‘tkazilmoqda.
