Milliarder Ilon Maskning hashamatli uyidan fotojamlanma

SpaceX va Tesla kompaniyalari asoschisi Ilon Mask 8 yildan beri yashab kelayotgan hashamatli uyini namoyish qildi. Uy Los-Anjyelesda, Santa-Monika tog‘lari yonbag‘rida joylashgan, deb xabar bermoqda Time nashri.

Nashrning ma'lum qilishicha, Mask dastlab bu uyni ijaraga olib yurgan, keyin esa uni 2012 yilda 17 mln dollarga o‘ziniki qilib olgan.  

Uyda 7 ta yotoqxona va vannaxonalar, sportzal, uy kinoteatri, tennis korti va basseyn  bor.

Maskning bu uydan tashqari shu tumanda yana 4 ta uyi bor. Tadbirkorga tegishli ko‘chmas mulkning umumiy qiymati 72 mln dollarni tashkil qilar ekan.