Jamiyatimiz hayotida hamshiralik hamda bolalar tarbiyachisi kasblari muhim ahamiyat kasb etadi. Shu bois hamisha bu soha egalariga ehtiyoj seziladi.
Malakali hamshira bo‘lib yetishishni istaysizmi? Yoki jajjigina bolajonlar tarbiyachisiga aylanish niyatidamisiz? U holda siz uchun ajoyib imkoniyat yaratildi.
Toshkent markazida joylashgan “Mehr-shafqat” kasb-hunar kolleji Respublikamizning barcha hududlaridan ikkinchi mutaxassislik uchun to‘lov-kontrakt asosida o‘quvchilar qabulini e'lon qiladi. O‘qish jarayoni o‘zbek va rus tillarida olib boriladi.
Kimlar qabul qilinadi:
• 11-sinf negizida shahodatnomaga ega bo‘lganlar,
• O‘rta maxsus, kasb-hunar ma'lumotiga ega bo‘lganlar
• Oliy ta'lim muassasalari bitiruvchilari
• Uy bekalari
Mutaxassisliklar:
1. “Umumiy amaliyot hamshirasi” mutaxassisligi
Ixtisosligi:
1. Umumiy amaliyot hamshirasi
2. Shoshilinch va tez tibbiy yordam stansiyasi (bo‘limi) hamshirasi
3. Patronaj hamshirasi
O‘qish muddati: 1 yil 6 oy.
2. Maktabgacha ta'lim muassasasi tarbiyachisi mutaxassisligi
Ixtisosligi:
1. Maktabgacha ta'lim muassasalari tarbiyachisi.
2. Ixtisoslashtirilgan bolalar maktabgacha ta'lim muassasalari tarbiyachisi
3. Oilaviy tarbiyachi.
O‘qish muddati: 1 yil 6 oy.
